Contae Chill Chainnigh: Dún Stiofáin

Tógadh Dún Chill Chainnigh idir 1800 agus 1803. Cosúil le go leor beairicí a tógadh ag an am seo, bhí sé mar fhreagra ar éirí amach Éireannach i 1798. Ag 3 i.n. ar an 7 Feabhra 1922, tháinig díorma de chuid an IRA faoi cheannas a gCeannasaí Briogáide, George O’Dwyer, le chéile i bPáirc Shan Séamas, Cill Chainnigh. Faoi stiúir Banna Práis Naomh Pádraig ag seinm foinn spreagúla, mháirseáil siad trí na sráideanna ag buaileadh le sluaite gárthacha. Agus iad ag teacht go dtí an bheairic, d’áitigh siad é thar ceann an Rialtais Shealadaigh. D’aslonnaigh trúpaí de chuid an Airtléire Machaire Ríoga an bheairic.

Sa bhliain 1967, athainmníodh é in onóir Shéamus MhicStiofáin, réabhlóidí agus ball bunaidh de Bhráithreachas Phoblacht na hÉireann. I 1971, tháinig Complacht ‘A’, an 3ú Cathlán Coisithe, ón gCurrach go Dún MhicStiofáin. Ina dhiaidh sin, bhunaigh siad an 30ú Cathlán i 1977, agus i 1987 rinneadh atheagrú orthu arís mar chuid den 3ú Cathlán Coisithe. Tá Dún Chill Chainnigh nua- aimseartha fós mar bhaile don Chathlán ar fad, ar a dtugtar mar leasainm ‘The Bloods.’